Kritische Edition des vertonten Textes (Partiturtext)   Kritische Edition des Librettos (Libretto)  
CHORUS II
CHORUS II
Oebalus, cognita Apollinis innocentia, hunc benigne recipit, eique filiam coniugem tradit.
Oebalus, cognita Apollinis innocentia, hunc benigne recipit, eique filiam coniugem tradit.
Oebalus, Melia, Apollo, Hyacinthus.
Oebalus, Melia, Apollo, Hyacinthus.
Recitativo
Hyacinthus
Hyacinthus
Non est. –
Non est. –
Oebalus
Oebalus
Quis ergo nate! dic, si patrem amas,
Quis ergo nate! dic, si patrem amas,
quis te peremit?
quis te peremit?
Hyacinthus
Hyacinthus
Zephyrus; – heu me! – si deus –
Zephyrus; – heu me! – si – deus –
adesset! –
adesset! –
Oebalus
Oebalus
Heu! iam moritur! –
Heu, iam moritur! –
Hyacinthus
Hyacinthus
O Pater! – Pater!
O Pater! – Pater!
mors – est – acerba!
mors – est – acerba!
Oebalus
Oebalus
Nate!
Nate!
Hyacinthus
Hyacinthus
Ge-nitor! – Ah! vale! –
Ge-nitor! – Ah! vale! –
(Moritur.)
(Moritur.)
Oebalus
Oebalus
Hyacinthe! – nate! – vixit – exanimis iacet! – –
Hyacinthe! – nate! – vixit – exanimis iacet! – –
"Apollo", dixit, "innocens est, o pater!"
"Apollo", dixit, "innocens est, o pater!"
"Crede mihi, non est; Zephyrus est auctor necis."
"Crede mihi, non est; Zephyrus est auctor necis."
Sic ergo mecum Zephyre ter mendax! agis?
Sic ergo mecum Zephyre ter mendax! agis?
Sic numen ipsum sceleris et tanti reum
Sic numen ipsum sceleris et tanti reum
arguere, sic me fallere haud regem times?
arguere, sic me fallere haud regem times?
Cruente! faxim crimen hoc proprio luas
Cruente! faxim crimen hoc proprio luas
cruore! – Mortem filii an inultus feram?
cruore! – Mortem filii an inultus feram?
No 7 Aria
Ut navis in aequore luxuriante
Ut navis in aequore luxuriante
per montes, per valles undarum iactatur,
per montes, per valles undarum iactatur,
et iamiam proxima nubibus stat,
et iamiam proxima nubibus stat,
et iamiam proxima tartaro nat;
et iamiam proxima tartaro nat;
sic bilis a pectore bella minante
sic bilis a pectore bella minante
per corpus, per venas, per membra grassatur:Variante in den Wiederholungen:
per membra grassatur:
per corpus, per venas, per membra grassatur:
furore sublevor;
furore sublevor;
dolore deprimor.
dolore deprimor.
Ira, vindicta conglomerant se,
Ira, vindicta conglomerant se,
atque quassare non desinunt me.Varianten in den Wiederholungen:
atque quassare non desinunt me non.

non quassare non desinunt me.
atque quassare non desinunt me.
(Accedit Melia.)
(Accedit Melia.)
Recitativo
Melia
Melia
Quocumque me converto, crudelis dei
Quocumque me converto, crudelis dei
monumenta detestanda conspicio. Prius
monumenta detestanda conspicio. Prius
perire Zephyrum videram et fratrem modo
perire Zephyrum videram et fratrem modo
video natare sanguine insontem suo.
video natare sanguine insontem suo.
Oebalus
Oebalus
Quid comite nullo filia huc infers pedem?
Quid comite nullo filia huc infers pedem?
An latro iamiam fugit?
An latro iamiam fugit?
Melia
Melia
Hunc iussi illico
Hunc iussi illico
vitare nostra regna; nam caedem improbus
vitare nostra regna; nam caedem improbus
nova gravare caede non timuit deus.
nova gravare caede non timuit deus.
Oebalus
Oebalus
Quid loquere? caedem nata! quam narras novam?
Quid loquere? caedem nata! quam narras novam?
Melia
Melia
O rex! amicum rapuit, et Zephyrum quidem,
O rex! amicum rapuit, et Zephyrum quidem,
ventisque me vidente lacerandum dedit.
ventisque me vidente lacerandum dedit.
Oebalus
Oebalus
O iustus est Apollo, dum plectit scelus,
O iustus est Apollo, dum plectit scelus,
quod imputavit perfidus et atrox deo
quod imputavit perfidus et atrox deo
Zephyrus! Hic auctor, filia! est factae necis.
Zephyrus! Hic auctor, filia! est factae necis.
Non est Apollo: Zephyrus in fratrem tuum
Non est Apollo: Zephyrus in fratrem tuum
discum agere non dubitavit.
discum agere non dubitavit.
Melia
Melia
Unde autem pater!
Unde autem pater!
haec nosse poteras?
haec nosse poteras?
Oebalus
Oebalus
Natus haec retulit mihi,
Natus haec retulit mihi,
nam vivus est inventus a nobis. Meis
nam vivus est inventus a nobis. Meis
extinctus est in manibus.
extinctus est in manibus.
Melia
Melia
Heu me! quid? pater!
Heu me! quid? pater!
quid ergo regno exisse iussisti deum?
quid ergo regno exisse iussisti deum?
Oebalus
Oebalus
Filia! dolore motus et Zephyri dolis
Filia! dolore motus et Zephyri dolis
delusus id iussisse me memini. Impium
delusus id iussisse me memini. Impium
quis tale sibi timuisset a Zephyro scelus?
quis tale sibi timuisset a Zephyro scelus?
Melia
Melia
O genitor! omnes perditi iamiam sumus!
O genitor! omnes perditi iamiam sumus!
Discessit, heu! discessit a nobis deus!
Discessit, heu! discessit a nobis deus!
O crede, non inultus id probrum feret.
O crede, non inultus id probrum feret.
Oebalus
Oebalus
Quid? nata! discessisse iam numen putas?
Quid? nata! discessisse iam numen putas?
Melia
Melia
Nil dubito; namque exire de regno tuo
Nil dubito; namque exire de regno tuo
Apollinem ipsa, linquere et nostros Lares
Apollinem ipsa, linquere et nostros Lares
iussi. O ut hunc revocare nunc possem deum!
iussi. O ut hunc revocare nunc possem deum!
Oebalus
Oebalus
Heu! fata quam sinistra nos hodie obruunt!
Heu! fata quam sinistra nos hodie obruunt!
No 8 Duetto
Oebalus
Natus cadit,
Natus cadit,
atque deus
atque deus
me nolente,
me nolente,
nesciente
nesciente
laesus abit.Variante in den Wiederholungen:
Deus laesus abit.
laesus abit.
Regnum sine numine
Regnum sine numine
iam non diu stabit:
iam non diu stabit:
numen! quaeso, flectere,
numen! quaeso, flectere,
et ad nos revertere!
et ad nos revertere!
Melia
Melia
Frater cadit,
Frater cadit,
atque meus
atque meus
te iubente,
te iubente,
me dolente
me dolente
sponsus abit.Variante in den Wiederholungen:
meus sponsus abit.
sponsus abit.
Sponsa sine complice
Sponsa sine complice
quaeso, quid amabit?
quaeso, quid amabit?
Noli sponsam plectere!
Noli sponsam plectere!
Numen! ah! regredere!
Numen! ah! regredere!
(Accedit Apollo.)
(Accedit Apollo.)
Recitativo
Apollo
Apollo
Rex! me redire cogit in Hyacinthum amor.
Rex! me redire cogit in Hyacinthum amor.
Ignosce, quod numen ego tua regna audeam
Ignosce, quod numen ego tua regna audeam
praesens beare! Disce, quid numen queat!
praesens beare! Disce, quid numen queat!
Hyacinthe surge! funus et flore aemulo
Hyacinthe surge! funus et flore aemulo
nomenque praeferente defuncti tege.
nomenque praeferente defuncti tege.
(Subsidens cum funere tellus hyacinthos flores germinat.)
(Subsidens cum funere tellus hyacinthos flores germinat.)
Oebalus
Oebalus
Quid video? – Surrexisse de nato meo
Quid video? – Surrexisse de nato meo
conspicio flores? –
conspicio flores? –
Melia
Melia
Numen o nimium potens!
Numen o nimium potens!
Pudore me suffusa profiteor ream.
Pudore me suffusa profiteor ream.
Ad verba Zephyri, patris ad iussa omnia,
Ad verba Zephyri, patris ad iussa omnia,
quae me poenitet, feci.
fecisse quae me poenitet, feci.
Oebalus
Oebalus
Optime
Optime
parce deus! ignarus ego, quis fuerit necis
parce deus! ignarus ego, quis fuerit necis
auctor patratae, pessimo Zephyro fidem
auctor patratae, pessimo Zephyro fidem
habui, meumque credidi natum tua
habui, meumque credidi natum tua
periisse fraude. Zephyrus o quanta improbus
periisse fraude. Zephyrus o quanta improbus
induxit in regna mea, ni parcas, mala!
induxit in regna mea, ni parcas, mala!
Melia
Melia
O numen! haud fuisse contemptum putes;
O numen! haud fuisse contemptum putes;
abire quod te iusserim, imprudens fui
abire quod te iusserim, imprudens fui
credulaque nimium, et ira mihi verba abstulit,
credulaque nimium, et ira mihi verba abstulit,
quae de dolore fratris occisi meant.
quae de dolore fratris occisi meant.
Apollo
Apollo
Confide rex! Apollo non fugiet tua
Confide rex! Apollo non fugiet tua
regna. Manet, et manebit heic tecum, fide
regna. Manet, et manebit heic tecum, fide
iam stare si promissa demonstres tua.
iam stare si promissa demonstres tua.
Oebalus
Oebalus
Intelligo. Ecce nata! te sponsam deus
Intelligo. Ecce nata! te sponsam deus
dignatur elegisse.
dignatur elegisse.
Melia
Melia
Num credam deum
Num credam deum
amare posse Meliam?
amare posse Meliam?
Apollo
Apollo
O crede! ipsemet
O crede! ipsemet
Iupiter amare saepe mortales solet;
Iupiter amare saepe mortales solet;
amare namque convenit tantum diis;
amare namque convenit tantum diis;
vobis amari.
vobis amari.
Melia
Melia
Numen! en famulam, suo
Numen! en famulam, suo
quae pro parente pectus hoc offert tibi.
quae pro parente pectus hoc offert tibi.
Oebalus
Oebalus
En! si placere sponsa mortalis potest,
En! si placere sponsa mortalis potest,
Apollo! nostra filiam adductam manu
Apollo! nostra filiam adductam manu
accipe, meoque semper in regno mane.
accipe, meoque semper in regno mane.
Hyacinthus obiit: alter Hyacinthus mihi
Hyacinthus obiit: alter Hyacinthus mihi
eris, manere filia hac factus gener
eris, manere filia hac factus gener
regione si digneris in nostra.
regione si digneris in nostra.
Apollo
Apollo
Oebale!
Oebale!
accipio laetus Meliae oblatae manum,
accipio laetus Meliae oblatae manum,
rebusque semper placidus adsistam tuis.
rebusque semper placidus adsistam tuis.
Melia
Melia
Iustitia sic tua deus elucet magis.
Iustitia sic tua deus elucet magis.
Oebalus
Oebalus
Sic innocentem debita haud merces fugit.
Sic innocentem debita haud merces fugit.
Apollo
Apollo
Sic saecla te futura clementem sonent.
Sic saecla te futura clementem sonent.
No 9 Terzetto
Apollo
Apollo
Tandem post turbida
Tandem post turbida
fulmina,
fulmina,
nubila
nubila
Tonantis murmura
Tonantis murmura
pax alma virescit et explicat se.
pax alma virescit et explicat se.
Melia
Melia
Post vincla doloris
Post vincla doloris
Oebalus
Oebalus
Post bella furoris
Post bella furoris
Apollo
Apollo
Post monstra pavoris
Post monstra pavoris
Oebalus, Apollo et Melia
Oebalus, Apollo et Melia
vos|nos iungit amabile pignus amoris.
vos|nos iungit amabile pignus amoris.
Omnes
Omnes
Post fata
Post fata
Apollo
Apollo
sperata
sperata
Melia
Melia
beata
beata
Oebalus
Oebalus
optata
optata
Oebalus
Oebalus
vos taeda coronat et excitat me.
vos taeda coronat et excitat me.
Apollo et Melia
Apollo et Melia
nos taeda coronet et erigat te.
nos taeda coronet et erigat te.
ACTUS V
Rex ab Hystaspe mitior factus, novis autem per Pharnaspem et Datim facibus ad iram concitatus sorori, filio et ipsi denique Adrasto mortem decernit; a Megabaso tamen Pharnaspis dolum edoctus, Adrastum cum sorore et nato in gratiam denuo recipit.

AUCTOR OPERIS MUSICI

Nobilis dominus Wolfgangus Mozart, undecennis filius nobilis ac strenui domini Leopoldi Mozart capellae magistri.

PERSONAE IN MUSICA

Oebalus, Lacedaemoniae rex Ornatissimus ac doctissimus dominus Mathias Stadler, theologiae moralis et iurium auditor
Melia, Oebali filia Felix Fuchsex capella, in grammatica
Hyacinthus, Oebali filius Christianus Enzingerex capella, in rudimenta
Apollo, ab Oebalo hospitio exceptus Ioannes Ernstex capella
Zephyrus, Hyacinthi intimuus Iosephus Vonterthonex syntaxi
Sacrificulus Apollinis Primus Iosephus Bruendlex Poesi
Sacrificulus Apollinis Secundus Iacobus Moserex syntaxi


PERSONAE IN ACTIONE

Croesus, Lydiae rex Antonius Pabmpichler
Atys, Croesi filius Ioannes Krueger
Adrastus, Midae filius in aula Croesi Nobilis Augustinus Preitenbach
Olynthus, Adrasti Filius Nobilis Mathias Ranftl
Mandana, Adrasti soror et sponsa Atys Franciscus Pichler
Megabasus Iosephus Forschner |
Hystaspes Antonius Hartmair | Proseres
Pharnaspes Bernardus Eder |
Datis Iosephus Mueller | Duces
Clitander Franciscus Prugger |
Philinto, Popa Mathaeus Flatscher
Dimnus, Croesi Ephebus Iudas Thaddaeus Moesl

Finis
U. I. O. G. D.Ut in omnibus glorificetur deus